Inglés ebaluazio-irizpideak, Batxilergoa 2

Tamaina handi samarreko, benetako edo egokitutako, ahozko, idatzizko eta multimodalak, ongi antolatuak eta konplexuak, erregistro formalekoak zein informalekoak, zehatzak zein abstraktuak, garbi eta hizkuntza estandarrean edo ohiko aldaeretan adieraziak, baita ingurune zaratatsu samarretan ere, eta hainbat euskarriren bitartez sortutako testuen ideia nagusiak, informazio xehatua eta inplikazio orokorrak ateratzea eta aztertzea.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Tamaina eta konplexutasun handi samarreko testuen edukia, asmoa, diskurtso-ezaugarriak eta ñabardura jakin batzuk (hala nola ironia eta hizkuntzaren erabilera estetikoa) kritikoki interpretatzea eta baloratzea.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Testuen zentzu orokorra, funtsezko informazioa eta xehetasunik garrantzitsuenak ulertzeko, testuen asmoa eta iritziak (inplizituak zein esplizituak) bereizteko, esanahiak inferitzeko eta hitzik gabeko elementuak interpretatzeko, eta baliotasunari, kalitateari, gaurkotasunari eta fidagarritasunari lotutako irizpideak aplikatuz informazioa bilatu, hautatu, egiaztatu eta era egoki eta seguruan biltegiratzeko komunikazio-egoera bakoitzean egokienak diren estrategiak eta ezagutzak hautatzea, antolatzea eta aplikatzea.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Hainbat motatako testu argiak, koherenteak, xehatuak, ongi antolatuak eta solaskidearentzat eta komunikazio-xederako egokiak ahoz, behar adinako jarioarekin, zuzentasunez, ahoskera, intonazio eta erregistro egokiak erabiliz adieraztea, deskribatzeko, kontatzeko, argudiatzeko eta informatzeko helburuarekin, hainbat euskarritan, hitzezko eta hitzik gabeko baliabideak erabiliz eta hizkuntza, eraginkortasunez ez ezik, etikoki ere erabiliz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Tamaina handi samarreko testu original xehatuak, ongi egituratuak eta konplexu samarrak, lexikoari dagokionez aberatsak eta komunikazio-egoerara, testu-tipologiara eta erabilitako tresna analogiko eta digitaletara egokituak idaztea eta zabaltzea, akats garrantzitsuak saihestuz, hainbat iturritako informazioa eta ideiak birformulatuz, laburbilduz eta koherentziaz antolatuz, norberaren iritziak justifikatuz, hizkuntza etikoki erabiliz, jabetza intelektuala errespetatuz eta plagioa saihestuz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Ongi egituratutako eta komunikazio-asmoetara, testuinguru-ezaugarrietara, alderdi soziokulturaletara eta testu-tipologiara egokitutako testuak osatzeko plangintza, ekoizpen, berrikuspen eta kooperazioko ezagutzak eta estrategiak hautatzea, antolatzea eta aplikatzea, zereginaren eta testua zuzenduta dagoen solaskide erreal edo potentzialen arabera egokienak diren baliabide fisikoak edo digitalak erabiliz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Egoera interaktibo sinkronoak edo asinkronoak planifikatzea eta egoera horietan hainbat euskarriren bidez asertiboki eta aktiboki parte hartzea eta kolaboratzea, hizkuntza-adeitasunaren, netiketa eta solaskideen behar, ideia, kezka, ekimen eta motibazioen inguruan ekimena, enpatia eta errespetua agertuz, ideiak eta iritziak zehaztasunez adieraziz eta era sinesgarrian argudiatuz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Komunikazioa hasi, jarraitu eta amaitzeko, hitza adeitasunez hartu eta emateko, norberaren ekarpena solaskideen ekarpenera egokitzeko (haien erreakzioak hautemanez), argibideak eta azalpenak eskatu eta formulatzeko, arazoak birformulatu, konparatu eta egiaztatu, laburbildu, haietan lagundu, eztabaidatu eta konpontzeko eta egoera zailak kudeatzeko estrategia egokiak eraginkortasunez, naturaltasunez eta ingurune desberdinetan hautatzea, antolatzea eta erabiltzea.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Aniztasuna kontuan hartu beharreko egoeretan testuak, kontzeptuak eta komunikazioak interpretatzea eta azaltzea, hainbat baliabide eta euskarri baliatuta, solaskideekiko eta erabilitako hizkuntza, aldaera edo erregistroekiko errespetua eta estimazioa agertuz eta, elkar ulertzeko problemen ebazpenean parte hartuz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Zubiak sortzen lagunduko duten, komunikazioa erraztuko duten, testuak, kontzeptuak eta mezuak azaltzeko eta sinplifikatzeko baliagarriak izango diren eta komunikazio-asmoetarako, testuinguru-ezaugarrietarako, alderdi soziokulturaletarako eta testu-tipologiarako egokiak izango diren estrategiak aplikatzea, baliabide eta euskarri fisikoak edo digitalak erabiliz, zereginaren eta solaskideen aldez aurreko ezagutzen, interesen eta ideien arabera.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 44. or.

Hainbat hizkuntza alderatzea eta haien arteko antzekotasunak eta desberdintasunak kontrastatzea, hizkuntzen funtzionamenduari buruz sistematikoki gogoeta eginez eta haien arteko loturak ezarriz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 45. or.

Atzerriko hizkuntza ikasteko eta hizkuntza horretan komunikatzeko gaitasuna hobetzen lagunduko duten estrategiak eta ezagutzak ekimenez eta sormenez erabiltzea, beste solaskide batzuen eta euskarri analogiko eta digitalen laguntzarekin edo gabe.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 45. or.

Atzerriko hizkuntzaren ikaskuntzaren inguruko aurrerapenak eta zailtasunak erregistratu erregistratzea eta haiei buruzko gogoeta egitea, zailtasun horiek gainditzeko eta ikaskuntza indartzeko estrategiarik egokienak eta eraginkorrenak hautatuz, ikaskuntzaren planifikaziorako, autoebaluaziorako eta koebaluaziorako estrategia eta tresnen bidez hala nola Hizkuntzen Portfolio Europarraren (HPE) edo ikaskuntza-eguneroko baten bidez, aurrerapen eta zailtasun horiek esplizitu eginez eta partekatuz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 45. or.

Kulturarteko egoeretan modu egoki, enpatiko eta errespetuzkoan jokatzea, hizkuntza eta kultura desberdinen artean loturak eraikiz, diskriminazio, aurreiritzi eta estereotipo mota oro baztertuz eta ebaluatuz, eta komunikazioa zailtzen duten faktore soziokulturalak zuzenduz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 45. or.

Atzerriko hizkuntza hitz egiten den herrialdeek berezkoa duten hizkuntza-aniztasuna, aniztasun soziokulturala eta arte-aniztasuna kritikoki baloratzea, gozamen eta aberastasun pertsonaleko iturritzat hartuz giza eskubideei dagokienez, eta aniztasun horretara egokitzea, kultura partekatu baten eta iraunkortasunarekin eta balio demokratikoekin konprometitutako herritartasun baten garapena bultzatuz eta justifikatuz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 45. or.

Hizkuntza-, kultura- eta arte-aniztasuna defendatu eta estimatzeko estrategiak sistematikoki aplikatzea, balio ekosozialak eta demokratikoak kontuan hartuz eta justizia-, ekitate- eta berdintasun-printzipioak errespetatuz.

76/2023 Dekretua, maiatzaren 30ekoa, II. eranskina (Batxilergoko jakintzagaiak), 45. or.